livess 发表于 2019-1-27 10:02:40

林峯封盘?!戴彩球返乡预演做新郎哥,未婚妻张馨月正式入宫?

   
贵为厦门首富之子的艺人林峯自同吴千语分手后,同内地模特儿张馨月拍拖,但佢一改过往作风,低调护爱苗!虽然平时林峯唔肯讲同张馨月有几好,但就不时被读者撞破佢两个孖公仔,之前更喺内地出席张馨月细佬婚礼,睇嚟都已经见晒家长!

今日又有读者爆料,指林峯今日带埋“未婚妻”张馨月同成班亲戚返石狮祭祖,两人都着到红当当,胸前仲有个彩球,似足预演婚礼!而张馨月亦好识做,企喺林峯隔篱傍实,林峯除咗介绍佢畀亲戚好友认识之外,仲尽显母爱同BB倾偈,之后仲齐齐化宝,实行学定点做林家新抱!

2017年底,林峯与吴千语感情亮起红灯后,即传出林峯父母安排林峯同张馨月相睇,翌年3月嘅时候传出林峯同张馨月孖住喺香港主题公园玩,之后林峯开腔承认同吴千语分手,仲话分开咗一段时间!

林峯劲口密话唔讲感情事,但实则佢系用行动确立张馨月女友地位!先有堂妹林夏薇爆料,话喺家庭聚会见过张馨月一两次,而杨怡就爆话林峯带埋张馨月同同期艺员训练班同学饭叙。最近期就系林峯带埋女友出席苗侨伟及戚美珍结婚29周年晚宴,见晒咁多亲朋好友!

另外,曾经林峯又被“野生捕获”,同张馨月返内地出席张馨月细佬婚宴,处处都有佢哋两个身影!

艺人林峯被爆带埋“未婚妻”张馨月返乡下祭祖,林峯戴晒彩球,成个新郎哥咁,十足十预演婚礼!林峯堂妹林夏薇接受访问,问到佢知唔知呢件事,佢话:“有听说有祭祖仪式,不过我飞咗,所以冇出席,唔清楚喎!”

希望有情人终成眷属啱嘅话就快D拉埋天窗啦

页: [1]
查看完整版本: 林峯封盘?!戴彩球返乡预演做新郎哥,未婚妻张馨月正式入宫?